今日同朋友仔只係相約係元朗攞 D 野, 跟住大家即興地一齊行下街, 點之就越買越多, 拎到傻左.
( 今日既超多戰利品 )
其實今日唔係全部野都係我自己架, 好多係屋企野, 其中買一套花茶壺套裝時有一段好攪笑既對話, 當時我睇中左但又唔知買唔買好於是打俾老公
我:「喂! 我而家呢….係元朗 shopping 緊呀….咁呢…. 我想問…」
老公:「買呀~」
我:「o下?! 你又知我講乜?
老公:「買呀~...買呀~」
我:「(笑到出唔到聲)…..點解你知我想問你D咩?
老公:「買呀~...買呀~...買呀~」
真係好好笑, 佢完全未聽, 已經知我打俾佢係有野想買, 最終當然係買左啦, 哈哈!
( 以後可以沖下花茶飲啦! )
( 久違了的百佳粒粒橙汁, 一次過買了一箱, 一共 24 罐, 好重呀! )
( 友人推介下買了 “我的美麗日記” 面膜, 呢個優惠裝好正, 一次過可以試 11 種 mask )
( 真係估唔到o係元朗 shopping 都可以咁 happy….我們的晚餐, 唔食飽D點拎到咁多野呀! )
沒有留言:
張貼留言