2009-02-08 渣打馬拉松

今日係渣打馬拉松, 老公第一次參加, 佢只係報左 10 公里, 今朝零晨 3 點幾就差唔多出去, 我一路陪住佢冇訓, 打算揸車送佢去西鐵站, 點之駕車俾鄰居塞住左, 夜媽媽唔通叫人“吞”車咩, 最終老公搭的士走.

原來上網可以睇番成績架, 男子 10 公里一共有三組, 老公係第一組, 佢跑第 25, 如果計晒三組佢既排名係 37, 三組夾埋都有 20,575 人, 跑第 37 名都幾好喎.

後來我先知有一個組別叫做 “十公里挑戰組” , 我問佢點解唔參加, 佢話佢今次只係 for fun 去玩下, 如果參加挑戰組好似去比賽咁喎, 所以只係報 10km.

 跑完之後佢話好舒路, 條路好好跑, 下年可能試下跑半馬.