由Josie出世嘗試餵人奶開始，遇到好多好多困難，但為左佢既健康我一直堅持，由全人奶一個月、三個月、六個月、一年…..一直將目標延長又延長， 終極目標係按世衛既建議餵到兩歲。
點之突然有左，計劃有變，分別向母乳熱線姑娘查詢，同埋問自己個婦科醫生。前者認為冇問題，絕對可以go ahead; 後者要我停，因為佢話餵人奶係抑制排卵，兩件事根本係互相對抗…… 最終我決定聽婦科醫生既意見停人奶，二來係因為泵奶既過程，子宮收縮真係會痛，一邊泵一邊驚，咁不如算吧啦～
就係咁，我完成左13個多月既全人奶既使命，真係冇諗過自己可以堅持到，自己都覺得自己好偉大。
( 而家開始，每日幫 Josie
轉一餐奶粉，希望佢最後可以接受全奶粉 )
( 有多既人奶暫時儲o係冰箱，將來再算 ) 
沒有留言:
張貼留言