2014-06-17 體溫過低

今早叫醒 Josie 返學既時候，佢話好攰，見佢面青青，於是量下體溫，只得35點度。

打返學校請假，由佢休息下，另外 book 左 11 點半睇醫生。

點之佢一瞓就瞓到12點9, 完全係未試過瞓咁長時間。

體溫去返36以上，冇摷醒佢去睇醫生，直接俾佢食 lunch, 但佢只係發呆，只食左一啖，成個人謝晒，連野都冇講過。

離開餐枱之後佢話再想瞓覺!!!!! 我叫佢坐 sofa 休息下，點之佢真係再瞓左兩個幾鐘。

我從來未見過佢累成咁，瞓完再瞓都依然想瞓。

好彩瞓醒之後，佢個人終於醒神番d, 有食返野，有玩。

再打電話問下醫生，最終決定唔睇醫生住，再觀察下先。