今日繼續要拜山, 之後同左阿軒 & COSSETTE o係沙田新城市吃
lunch, 呢間 TUTTO 意大利餐廳裝修得幾靚幾舒服.
番左屋企之後, 即興地去左深圳灣揼骨, o係口岸又有好多人派傳單, 今次諗住試另一間, 揀左一間聲稱係新開張既按摩場.
跟住有個司機黎接我地去, 點之個司機係唔識路架, 有冇攪錯, 佢亂咁兜, 完全冇方向感, 最後竟然係我地憑住張宣傳單張既小地圖教番個司機, 結果原來 10 分鐘既車程變左 45分鐘,
!@$@#%#$%@##$!!!!! 火都黎呀!
職員帶我地入房, 乜野新開張呀, 根本就係勁舊!
@$@#%#$#%@#%#@%!!!
兩個小時既全身按摩 + 一小時既腳底按摩其實都幾舒服, 只係個環境有被騙既感覺.
臨走既時候終於問番清楚個經理, 原來呢度係剛剛重新開張, 前手都係按摩院, 並唔係我地諗既新裝修開張, 個經理話個司機真係好有問題, 將會換過一個, 保證下次唔會再耽誤我地既時間, 哈哈, 有下次先算啦!
沒有留言:
張貼留言