2009-04-08 跌爆電話 >.<

今日好唔小心, 講完電話想擺番落褲袋既時候突然 “線”手, 成部電話跌落地下, 仲要係個面趴係地o個隻, 聽到好大聲既啪一聲, 執番上手既時候, 成個 screen 光晒, 見到明顯成個 LCD 爆左, 超勁唔開心!

其實呢部 HTC 已經用左一年零八個月, 除左慢之外, 我一直都好鍾意佢, pda phone 既發明取代左又帶電話又帶 pocket PC 出街既日子.

不過慢都係幾致命既弱點, 畢竟我係一個追求速度既人, 慢一秒我都唔耐煩. 與此同時, 我又極度要求樣靚同埋 slim, 就係因為咁我仍然未搵到另一部可以取代佢, 所以先至破天荒一部電話用到接近兩年.

自從 iPhone
出左之後我勁心動, 但 D plan 貴到死, 而且部機根本就未完善, 我死忍難忍都唔俾自己買, 打算一直用我呢部 HTC 直至 iPhone 完善左或者 D plan 去到一個合理既水平先, 點之自己唔爭氣, 跌到佢咁傷, 真係十級傷心.

( 跌爆電話事件發生之後, 去左元氣同阿政由夏威夷番左黎香港既表哥食野, 於是我要收拾心情, 唔可以黑口黑面對住人 )