今日先同 Josie 去健康院，唔係打針，只係做發展監察。
每次去健康院都要磅重，姑娘一次嗌幾個名，Josie 同其他babies一齊入去，佢地就要瞓上床除衫除尿片，Josie 只係自己企上磅就得啦，全程不過半分鐘。
回想起 new born 階段，每次都同老公手忙腳亂喺裏面攪一大輪，又怕地方唔乾淨，自備床墊/換片墊，又怕Josie 會冷親，必定會揀靠近暖管既位置...... 就係咁，驚覺 Josie 已經長大許多，跳到另一階段啦～
之後再見姑娘，疊下積木，問下佢既飲食、識講乜野等等…… 各樣發展都正常，下一次四歲先至再要去健康院，真好!
去完健康院之後，第二站去 Kinetics 打歲半針，順便打埋水痘第二針。
基本上必要打既針都打晒啦，除左大個D要打甲型肝炎之外，就到小一先再打針啦～
( 左腳一針、右腳一針，換黎既係叮噹貼紙
)
( Josie 你大個女啦，mama 每日對住你都覺得你大得好快呀，好開心由你出世開始，所有重要時刻都喺你身邊陪伴住你
) 
沒有留言:
張貼留言