2008-10-06 是好消息嗎?

今日從妹妹仔口中得知 X小姐好似只係做埋呢個月就唔做,
其實我都係差不多, 因為 11 月去度蜜月,
知道佢會走我突然想繼續做落去, 雖然會冇左個好資深既人教我(但講真佢真係冇乜點教我野),
但我深信經驗係時間累積既, 係浸出黎既, 而且我相信熟能生巧. 

究竟去向係點呢? 呢一刻真係唔知, 我只係想點都做埋呢個月,
學多 D 野

( 松鼠既毛好多, 梳得耐, 吹又吹得耐, 不過佢又幾得人鍾意 )

( 好惡既貴婦狗, 所以要戴口罩先剪指甲 )

今日突然覺得幾開心, 開心係主人黎接番自己隻寵物, 我將佢抱落黎俾佢, 佢好開心咁攬住隻狗:「嘩! 沖完涼靚仔晒呀!」覺得有少少成功感.

( 每餐飯我都食足一個鐘, 所以我次次都揀 D 坐得舒服既地方先去食 )