2011-12-03 以為 Josie 出玫瑰疹

尋晚沖涼既時候見到 Josie 腳上面有D紅點，以為就係好多 baby 都會出既玫瑰疹，諗住鬆一口氣，總算知道乜野原因發燒。

今日打返電話俾兒科醫生，形容俾佢聽 Josie 既情況，佢話唔係玫瑰疹，因為軀幹一定會有紅點，但 Josie 個身真係冇紅點，只係對腳有。

雖然 baby 發燒好多時係因為身體有D炎症，但亦都可以係冇原因。

就係咁無厘頭地發左一晚高燒，2日微燒，之後又乜事都冇lu.

我好傻咁諗 Josie 一定係掛住媽咪，唔想我去返工，因為兩次發燒都係我要代課，但最終好唔好意思地臨時推左。