尋晚真係超級冇覺好瞓，姑娘每次黎check 體温，Josie 都喊到死，總之一見到著制服既就勁驚，都係因為之前一連串既 test 嚇親佢。
朝早醫生巡房，驗血報告顯示白血球偏高，即身體內有炎症，所以要開始打抗生素。
上晝11點，覺得 Josie 額頭好熱，㩒鐘叫姑娘幫佢量體温，40.5度超高好擔心，即時塞肛。就係咁 Josie 全日反覆發燒，高燒時塞肛，低燒時餵退燒水。
( 因為要打抗生素，Josie 要插豆豆了，慘慘! )
( 打抗生素幾小時之後面上出現紅點，有機會係藥物敏感 )
( 醫生開左枝藥膏俾 Josie 搽面面，用左一次之後似乎紅點退左 )
( Josie 好慘完全休息唔到，難入睡又易醒 )
( 工人每日黎兩次分別帶午餐&晚餐 )
( 下晝三人房有位，於是收拾細遠搬房 )
( 被安排中間床位，左右都有小朋友咳咳, no good! )
( 好唔容易瞓著，又會被其他小朋友既喊聲或者姑娘檢查而嘈醒 )
( 發緊燒既 Josie 正餐食得好差，食麵包就仲係好鍾意 )
( 種菌需時，希望快D知道發生咩事啦～ )
( 晚上十點，終於入睡，瞓一覺比較長…… 凌晨三點半又高燒40度，好擔心>.<
)
沒有留言:
張貼留言