如果扭計指數滿分係十個骷髏骨頭，今日 Josie 既表現絕對可以得到十一個骷髏骨頭 =.=
三點幾準備出問口，攪掂兩個換片、換衫、紮頭髮、steam食物、執出街袋......四點幾終於出到門口, 要求極低只係打算揸車去荃灣廣場行下食下。
泊完車五點，到餐廳坐低 order 食物，餵Max食粥仔、Josie 發顛、失控、尖叫、大喊...... dad dad 多次帶離開餐廳 time out, 講掂晒數先返埋位，但重覆繼續顛......另一邊廂，Max成條蟲咁弓來弓去，攪呢樣攪嗰樣冇辦法坐低，扭眼瞓但唔願瞓，全程抱咁滯。
一枱食物攤到凍晒，忙亂、好忙亂、非常忙亂。直至伯伯幫我抱 Max 離開餐廳，Josie 終於變返一個正常受教既小朋友。事實再一次證明，家姐真係好唔接受細佬，每次一家四口出街定必失控。
唔通每次工人放假，我地就冇得去街街？ 又或者 mama 帶一個，dad dad 帶一個，總之就唔可以俾 Josie 見到我地照顧 Max ?!
七點幾埋單，打算喺商場行一陣，但最終因為 Josie 好喪而提早返屋企。
由三點幾準備出街到八點幾返到屋企，足足五個鐘，不過食左一餐飯咁大把，咩事？！
當兩個都扭計既時候真係唔使旨意有餐安落茶飯食，嬲嬲地下次外賣算數，剩低嗰四個鐘喺屋企攤唞下好過，哼!
( 溫泉蛋凱撒沙律 )
( 脆脆炸薯條 )
( 意大利風薄切鮭魚 )
( 雞腿肉串 )
( 昆布湯相撲火煱 )
( 豚平燒 )
( 東京牛肉飯伴溫泉蛋 )
( 燒鱆魚餅 )
( 海老、帶子、鮭魚壽司 )
( 蜂蜜生薑茶 & 梅酒梳打 )
( 係咁嘈住要食薯條 )
( naughty Josie!!!!! )
( Max@9.5 months
)
沒有留言:
張貼留言