2008-12-17 幾經辛苦終於到左法國啦!

好唔容易由凌晨十二點幾等到五點幾, 坐 train 去法國, 英國同法國既地鐵好多都係冇電梯, 攞行李真係攞到想死, 拖上拖落既時候特別掛住老公

                       

( 終於等到凌晨五點幾, 可以 print e-ticket, 然後等過海關. 我凍到羽絨外面再加多件褸 )

( 過左海關之後再要等上 EURO STAR )

( 坐定定食個沙律醫一醫肚先, 要坐三個鐘架 )

                  

                  ( 到左法國啦! )

( 搭 metro 去到 Pigalle 再步行幾分鐘去酒店 )

( 天氣好差, 落住雨令我地拖行李時更狼狽 )

( 呢間就係我地BOOK左既酒店啦 )

( 房仔細細, 尚算清潔 )

拖行李拖到勁累, 加上尋晚等 train 等通宵, 我同家姐 check-in 完之後, 即刻訓番幾粒鐘.

訓醒之後再出去附近行下, 出面好旺, 好多舖頭, 最多係supermarket, 但法國俾我既印象唔多好, o係條街上面行左唔係好耐, 已經分別俾三個法國佬故意走埋黎用手㬹撞我, 第一次唔為意, 第二次就知道原來佢地係想借故抽水, 之後當然識得避開.

另外, D男人既眼光好色迷迷, 無黎啦更走埋人地身邊講 “ Sexy~~~” 真係嚇鬼死, 結果我地都係行一陣就番酒店休息, 聽日先正式遊法國.

( 今日既唯一戰利品 ── 插頭, 大拿拿 EURO$5, 即港幣$50, 鬼叫我帶去o個個唔o岩用咩!!!)

                   

( 呢個係家姐既行李喼, 就係o係 metro 上上落落既時候成個手柄斷左, 狼狽到極點 )